Ae Zindagee…

ए ज़िन्दगी ( Read Hindi Text Version)

Ae zindagee… kuch panktiya tere naam


Ae zindagee,

Mujhe tu hi sikha gayi;

Jeena kaise tha tujhe,

Ae zindagee

 

Badalte waqt k saath badle log,

Par sabse karta raha bandagi;

Tute rishton ko suljhaane mei beeti umar,

Kaise kishto mei beet-ti gayi, ye zindagee

 

Adhuri kitaab k saath aaye thei yaha,

Panne bharne mei hi dete rahe apne waqqt ki siyaai;

Likhte likhte bhul hi gaye,

Jeeni bhi thi, ye zindagee

 

Suljhaane mei yaha waha bhatakte rahe,

Zindagee jee jaise ek paheli;

Raaz tha yahi ki apno ko saath leta chalu,

Gairon mei dhundta raha khushi,

Aur kahi beet gayi, ye zindagee

 

Mile jo apne bichde saare,

Toh galtiyaa sudhaarlu mei saari;

Apno ko apna bana lu fir,

Toh keh du, ha, jeeli meine, ye zindagee

Beyhadd khoobsurat thi tu,

Aur khoobsurat thei woh saare lamhei, jihne mei aaj yaad karta hu;

Samjha nahi unn gum k dinno mei ye,

Bass kosta raha tujhe, ae zindagee

 

Sikhne mei hi, ki kaise jeeyu tujhe,

Beet gayi, ye zindagee;

Mile jo mujhe tu fir utni hi,

Toh jee lu fir su tujhe, ae zindagee

 

Ae zindagee,

Mujhe tu hi sikha gayi;

Jeena kaise tha tujhe,

Ae zindagee



©Dipesh Bafna

4 thoughts on “Ae Zindagee…

Leave a Reply